Tag: פיינד טשענדזש

די לופט איז געדעכט, די אטעם שטיקט, טונקל, פארכמורעט…
ביז עס קומט א קלוגער איד און עפענט די פענסטער. אה די זון שיינט אריין די אויגן עפענען זיך, די לונגען פארברייטערן זיך… ס’דא לופט!

לאמיר אביסן רעדן וועגן חלונות, דאס איז די מהלך וואס די סידורים און שיינע ספרים זענען אויסגעשטעלט, אז די ערשטע ווארט איז גרויס, און אונטער דעם איז דא א ליידיגע פלאץ, וואס ווען און וויאזוי.
די חלונות געפונען מיר אין אלטע ספרים, ס’דא וואס זאגן אז עס איז געמאכט געווארן ווייל מען פלעגט אמאל נוצן אזעלכע פארעמס פון אותיות, (אזוי ווי די זיגל וואס מען קען אליינס מאכן ווערטער), און אזוי ווי די ערשטע ווארט איז געווען גרעסער, האט נישט אריינגעפיט קיין אותיות ביי די נעקסטע שורה אונטער דעם, אדער איז דא וואס זאגן אז עס איז געמאכט געווארן מ’זאל זעהן אז עס איז א נייע שטיקל, אבער וואס איז זיכער איז זיכער אז עס איז א הערליכע זאך און עס גיבט אריין זון און לופט אין א ספר.
העלמיר האבן דריי מהלכים, יעדער האט זיך זיינע מעלות און חסרונות, וואס מיר ווייסן און וואס נישט…
מיר וועלט קודם איבערגיין בקיצור אלע וועגן, דערנאך וועלמיר פראבירן מסבירן באת בנך את יחדך אשר אהבת.
די ערשטע און גרינגסטע אבער טייערסטע… איז דורך א Plugin עס איז דא א פירמע In-Tools זיי מאכן פארשידענע פלאגאינס און סקריפס פאר געלט און בחנם, האבן זיי א פלאגאין פאר נישטיגע $39 וואס טוט די גאנצע ארבעט, זיי געבן א פרי טרייעל פאר אפאר טעג.
די גוטע זאך איז אז זיי טוען די גאנצע ארבעט, די נישט גוטע זאכן: עס קאסט געלט, עס ארבעט נישט אין די לעצטערע ווערסיעס, און נאך.

די צווייטע וועג איז א שווערע און לאנגע וועג אבער עס איז מער סימפל.
עס ארבעט מיט Drop Caps דהיינו מען מאכט א דראפ קעפ אזוי גרויס ווי די ערשטע ווארט מיט די ספעיס נאכדעם, (ד.מ. איין נומער מער ווי די לענג פון די ערשטע ווארט), און נאכדעם מאכט מען עס קלענער, און מען רוקט עס ארויף מיט “בעסליין שיפט”.
די פראבלעים איז אז מ’ברויך מאכן עקסטערע סטיילס פאר יעדע סכום פון אותיות, און אפלייען עקסטער אויף יעדע פאראגראף (אדער דורך א קאמפלעצירטע וועג). אזוי אויך קען ווערן פראבלעימען אויב שטעלט מען אן די פרעים אויף Justify.

די דריטע אונזעריגע מהלך, איז אביסל מאדנע, אבער שנעל און גרינג און פשוט.
מען פעיסט אריין (מיט א גרינגע פיינד\טשענדזש) א פיצי באקסעלע נאך די ערשטע ווארט, און דורך “טעקסט רעפ” מאכט מען אז אונטער די ערשטע ווארט זאל נישט זיין קיין ווערטער, די פראבלעמען פון די מהלך האב איך נאכנישט געטראפן…

אזוי ווי עס וועט זיין אביסל א לענגערן ארטיקל, וועלמיר עס צוטיילן אין עטליכע חלקים ואתכם הסליחה

אצינד לאמיר זיך נעמען איבער די פרקים,
מיר ווילן לייגן אזעלכע שיינע בלומעלעך ביי די זייטן פון די ווערטער “פרק וכו’ “.
אבער מיר ווילן פארשטייט זיך נישט דארפן אריינפעיסטן ביי יעדע עקסטער אזא בלומעלע, אשר על כן העמיר פראבירן צו ווייזן צוויי מהלכים דערצו, וואס איז אונז לעצטנס אויסגעקומען צו דערשנאפען בעז”ה, ביים פראבירן ארויסצוהעלפן א חשובע מיטגליד אונזערע.
פום צינטל. האמיר דא א רעכטע זייט מיט א לינקע זייט, די לינקע זייט איז זייער גרינג, נאר די רעכטע איז אביסל מער קאמפליצירט ווי שפעטער געמסבירט, העמיר אויף דעם האבן צוויי וועגן.
און ווער עס האט א בעסערע מהלך, ווערט אויפגעפאדערט עס מיטצוטיילן מיטן עולם, והוא רחום וגו’.
שוין גענוג גמקדימ’עט, לאמיר מער אריינקריכן אינם סוגיא, קודם לאמיר דאונלאודן א שיינע פאנט (יא א פאנט – און נאך בחנם) וואס וועט דינען אלס די שיינע בלומעלעך.
דא האט הרב קנאפער ידען צוגעוויזן שיינע פאנטס,
מיר וועלן נוצן Wingdings 2.

***

די פראבלעים איז אז די פרקים שטייען אינאיינעם מיט די נאמען פון די פרק,
כדי דאס דורך צו שוויצן, לאמיר צום ערשט מאכן א קאפי פון די העדער סטייל און עס אנרופן פרק.
דערנאך לאמיר גיין צום פאריגן העדער סטייל און אראפנעמען ביי די Keep Options די אפציע וואס צווינגט דעם גרויסן העדער זיך אנצוהייבן אנפאנג פון א Odd פעידזש.
יעצט לאמיר נוצן א פשוטער פיינד-ריפלעיס, סערטשט פאר א “ספעיס דעש ספעיס” פון די אלטע העדער סטייל, און ריפלעסט מיט אן ענטער, דערנאך לאמיר מאכן נאך א סערטש פאר די ווארט “פרק” מיט די אלטע סטייל, און ריפלעיסן מייט די נייע סטייל.

יעצט לאמיר מאכן די סייז פון די פרק סטייל פאר 25 און פארשטייט זיך אז די Keep Options זאלן ביי דעם יא בלייבן.

אצינד למעשה, לאמיר צולייגן די שיינע בלומען!
די ערשטע זאך לאמיר אויסקלויבן א שיינע דעזיין, העמיר עפענען דעם “גליפ’ס” פענעל און אויסקלויבן דעם Wingdings 2 פאנט, און זוכן א שיינע בלום, גיב אזא דאבל קליק עס אריינצופעסטן ווי די מייז געפונט זיך.

פאר די רעכטע זייט וועלמיר האבן צוויי וועגן,
איין וועג איז צו אריינפעיסטן דער בלום בעפארן פערעגרעף, די פראבלעים איז אז אפילו איך קען טרעפן די פלאץ דורך “פיינד” קען איך אבער נישט אריינפעיסטן, ווייל איך ריפלעיס נישט גארנישט.
אע”כ מוז מען נוצן א “גרעפ קאוד” וואס מאכט אזוי ווי א קאפי פון די גאנצע שטיקל, און ריפלעיסן מיט די בלום + די גאנצע שטיקל.
אלזא לאמיר מאכן א קערעקטער סטייל פאר די שטיקל.
מיר וועלן עס אנרופן Flower,
די פאנט Wingdings 2 די סייז 18 און שוין.

יעצט לאמיר אפפלייען די סטייל צו די בלום וואס מיר האבן אויסגעפיקט.
אצינד עפנט דעם פיינד ריפלעיס קעסטל, לאמיר גיין צו גרעפ, ביי פיינד לייגט אריין

^(.+?)$

און ביי ריפלעיס לייגט אריין

~c $1

נישט פארגעסן ביי פיינד פארמאט זאל זיין נאר די “פרק” פערעגרעף סטייל.

יעצט ברויך מען סעלעקטן דעם בלום, און אריינקליקן אינם גרויסן טעקסטבאקס , און דרוקן “טשענדזש אלל”!

אלע אינסטרוקציעס מוזן זיין פונקטליך, אז נישט קען זיך מאכן פראבלעימען, אבער בפשטות ברויך עס ארבעטן.

יעצט לאמיר סעיוון דעם גרעפ ביים קוועטשן אויף דעם עררא וואס ליגט אויבן פונ’ם פיינד-טשענדזש קעסטל, און עס גיבן א נאמען “רעכטע בלום” וכדו’.
לאמיר אריינלייגן די לינקע בלומעלע ביי די ערשטע פרק און עס מאכן פאר די בלום סטייל, יעצט לאמיר עס קאפיען צוזאמען מיט’ן ענטער, וויאזוי?, לאמיר אריינקליקן גלייך נאך די אות פון די פרק, און שלעפן מיט די מייז די ספעיס, די בלום, און ווייטער ביז די סוף שורה, עס זאל זיין סעלעקטעד אזוי ווי א ספעיס נאך די בלום, וואס די ספעיס איז באמת די ענטער, יעצט לאמיר עס אריינפעיסטן אין די ריפלעיס באקס, ביי פיינד לייגט מען א “ענד אף פערעגרעף ווי פריער דערמאנט”, יעצט ביי פיינד פארמאט לייגט מען די פרק סטייל, און ביי ריפלעיס, די בלום סטייל,
“טשענדזש אלל”.

יעצט קען מען מאכן א פיינד ריפלעיס, סערטש פאר א ספעיס, פיינד פארמאט – פרק. רפלעיס פארמעט – קערעקטער סטייל, None, פערעגרעף סטייל, פרק.
עד כאן אומרים בשבת הגדול.
די צווייטע וועג איז:
פשוט, צו מאכן דעם העדער פאר א באלעט ליסט, און טוישן די באלעט צו די בלום, און דערנאך מאכן די לינקע אזוי ווי פריער.!

ווי מיר האלטן יעצט קוקט די ספר אויס ווי פאלגענד:

די זעלבע מהלך וואס מיר האבן גענומען ביי די מעין טעקסט, קען מען איבערנוצן פאר אלע סארט סטיילס.

(טיפ: אויב קומט די טעקסט אריין מיט סטיילס פון ווארד, קען מען מאכן א פיינד ריפלעיס צו טוישן צו נייע אינדעזיין סטיילס, אדער קען מען דעליטן די סטייל און אינדעזיין וועט פרעגן צו מ’וויל עס ריפלעיסן מיט אנאנדערע סטייל.)

לאמיר צומאלעמערשט סטיילן די פרקים קעפלעך;

העמיר גיין גלייך צום פערעגרעף סטייל קעסטל אין מאכן א נייע סטייל.

לאמיר אים אנרופן Big Header (וויכטיג צו געדענקען אויף שפעטער, עס וועט צוניץ קומען),  “בעיסד אן” זאל פארשטייט זיך זיין אויף “נא פערעגרעף סטייל”, די פאנט, fontbitLivorna סייז 21, אליינמענט – סענטער, ספעיס עפטער – 0.125, ביי אנדערליין ברויך מען ארונטערנעמען דעם טשעק.

יעצט לאמיר גיין צו די “Span Columns” אפטיילונג ביי די פערעגרעף סטייל קעסטל, און סעלעקטן “ספען קאלאמנס > ספען אלל”, אזוי וועט די קעפל שטיין איבער די גענצע ברייט פון די בלאט און נישט נאר פון די קאלום.

די נעקסטע זאך וואס מיר ווילן אנשטעלן איז די “קיפ אפשאנס”, מיר ווילן אז יעדע פרק זאל זיך אנהייבן אויף א נייע אד בלאט, כדי מיר זאלן קענען לייגן א שיינע שער בלאט בעפאר יעדע פרק.

קיפ אפשאנס > סטארט פערעגרעף > סעלעקט “On Next Odd Page”.

יעצט ברויך מען נאר מאכן א פיינד ריפלעיס, זוך אויף די נעקסטע פרק קעפל, פיינד פארמעט לייג אריין עטוואס פון די פארמעט, טשענדזש פארמעט, לייג די “ביג העדער” סטייל. פיניש, הערליך.

יעצט לאמיר סטיילן די קליינע קעפעלעך

די זעלבע מהלך ווי פריער, העמיר אים אנרופן “Small Header”.

פאנט: פאנטביט-ליווארנע, סייז 19, לידינג אוטא, ביי ספעיסינג לאמיר אים מאכן אליינד סענטער, ספעיס בעפאר 0.125, ספעיס עפטער 0.625.

פאר די קעפלעך, וויל איך האבן אזא דינע ליין פארדעם און נאכדעם, דאס ווערט אנגערופן “פערעגרעף ראל”, עס געפונט זיך ביי די קליינע מעניו אויבן ביי די רעכטע זייט פון די סקרין, אדער קען מען דרוקן Ctrl + Alt + j, אבער מיר מאכן עס דירעקט אין די פערעגרעף סטייל, צום ערשט לאמיר מאכן א טשעק ביי “ראל אבאוו” די דיקעקייט 1 פונקט, די טייפ “ווייסע דיימאנטן”, די ברייט זאל זיין פון די קאלאם, די אפפסעט 0.22, די קאליר שווארץ אדער טעקסט קאליר (וואס איז ביינונז שווארץ), “קיפ אין פרעים” וועט מאכן אז אויב די קעפל ליגט אויבן פון די פרעים זאל זיך די ליין נישט ארויסשטעקן פון די פרעים ודו”ק.

יעצט סעלעקט “ראל בעלאו” און שטעלט אן די זעלבע אפציעס, נאר די אפפסעט זאל זיין 0.0625. זעמיר פערטיג מיט דעים.

ביי קיפ אפשאנס, שרייב נאר אן איינסער ביי “קיפ וויט נעקסט” אזוי וועט קיינמאל נישט זיין א קעפל אינטן פון די טעקסטבאקס אן קיין ווערטער…

מאכט זיכער אז די קאליר איז שווארץ.

אנדערליין אראפ פארשטייט זיך.

נישט פארגעסן צו מאכן א פיינד ריפלעיס.

גוט. יעצט האט שוין די ספר עפעס א שטיקל צורה.

ביי די קומענדיגע פאר לעקציעס וועט די ספר בעז”ה באקומען א פנים חדשות, דורך חלונות און פארשידענע סטיילס.

פיין, יעדער איז דא, מ’קען אנהייבן פארן?

יעצט קוקט עס אויס בערך אזוי:

די ערשטע זאך וואס מיר וועלן טוען איז צו מאכן זיכער אז אלעס וואס איז באלד, בלייבט באלד.

• קערעקטער סטיילס:

לאמיר מאכן א קערעקטער סטייל; דאס מיינט אז מיר וועלן נעמען א סעריע פון סעטטינגס, פאנטס, סייזעס וכו’ און עס גיבן א נאמען, למשל ביינונזער מעשה “באלד“, וואס דאס וועט געסעיווט ווערן אין די “קערעקטער סטיילס” קעסטל, אזוי קענען מיר סעלעקטן א ווארט צוויי און אויפאיינמאל אפלייען אלע פארמעטינג פון די סטייל, און ווען מיר וועלן טוישן די סטייל, וועט זיך עס אויטאמאטיש טוישן איבעראל, (אפילו אויב די “פאראגראף סטייל” איז אנדערש, וועט די “קערעקטער סטייל” זיין שטערקער” – מיר וועלן אט אט רעדן פון “פאראגראף סטיילס”).

גיימיר צו די Window מעניו > סטיילס > קערעקטער סטיילס;

וועט ארויפקומען די דאזיגע קעסטל:

 

לאמיר קוועטשן די “פעידזש” אייקאן – אבער איימעניט – לאמיר אנהאלטן דעם Alt קנעפל, אזוי וועט מען עס גלייך קענען עדיטן, מאכט זיכער בעפארן דרוקן אז גארנישט איז נישט סעלעקטעד, אויב יא וועט ער אויספיקן יענע פארמעטינג.

העמיר גיין צו “בעסיק קערעקטער פארמעטינג” און ביי “פאנט סטייל” אריינשרייבן Bold, ווי אויך וועלמיר געבן א נאמען פארן סטייל “באלד“, מאכט זיכער אז עס איז נישט געבעיסט אויף גארנישט, אויב ווילמען קען מען לייגן א שארטקאט (געווענליך ctrl מיט א נומער פון די נאמפעד).

יעצט אז מיר האבן שוין די  “באלד סטייל” לאמיר עס אפלייען צו אלע באלד’ס פון די ספר.

דרוקט ctrl + f ארויפצוברענגען דעם “פיינד – ריפלעיס” קעסטל.

לאמיר גיין צו די “טעקסט” טעב, גיט א קליק אין די “פיינד פארמאט” קעסטל און ביי בעיסיק קערעקטער פארמעט לייגט אריין Bold, דרוקט אקעי. יעצט גיימיר צום “טשענדזש פארמאט” קעסטל, ביי קערעקטער סטייל, סעלעקט אונזער “Bold” סטייל, דרוקט אקעי,

סערטש שטעלט אן פאר דאקומענט אדער סטארי (ד.מ. נאר זוכן אין די אקטיווע טעקסטבאקס – וואס מיר האבן נאר איין לאנגע), טשענדזש אלל, יעצט אפילו מיר וועלן אפלייען א רעגולער פאנט צו א פערעגרעף וועלן אלע באלדס בלייבן!

לאמיר מאכן נאך איין סטייל פאר די איינגערינגלטע.

די זעלבע ווי די באלד סטייל, נאר אנשטאט באלד לאמיר אריינלייגן ביי די סייז 9 pt און סעיוון די סטייל אלב Small, אצינד זעמיר מסודר צו גיין ווייטער.

 

• פערעגרעף סטיילס:

איצט וועט מען סטיילן די פשוטע פערעגרעפן, דורך א גרינגן און שנעלן וועג!

(א”ה: מ’מוז נישט גיין אויפן זעלבן מהלך מיט די זעלבע פאנטס און סטיילינג, מיר רעדן נישט יעצט פון די שיינקייט און גראפיקס נאר פון די מהלך)

לאמיר מאכן א סעלעקציע און אריינ-נעמען דעם ערשטן פאראגראף (הייבט זיך אן “האדם”).

מיר וועלן נוצן ווילנא פון “פאנטייפ” וואס ווערט אנגערופן pft_vilna, אבער יעדער קען נוצן וואס ער האט ליב.

מיר וועלן מאכן די סייז 13, די לידינג (צווישן די שורות) 17, די אליינמענט רעכטס דשזאסטיפיי, און ספעיס נאך יעדע שטיקל 0.625, און מיט דעם זעמיר גוט.

יעצט אז מיר האבן שוין איין פערעגרעף גוט געסטיילט, לאמיר בלייבן אריינגעקליקט אין די פערעגרעף, ברענגט ארויף די פערעגרעף סטייל קעסטל (געפונט זיך ביי די זעלבע ארט פון די קערעקטער סטייל), און Alt קליקט אויפן פעידזש אייקאן, בעיסיקלי ברויך שוין אלעס זיין אריינגעפולט לויט די אקטיווע פערעגרעף, מאכט זיכער צו מאכן א טשעק ביי “אפליי צו סעלעקשן“,

גיב עס א נאמען מאכט זיכער אז “בעיסט אן” איז אנגעשטעלט צו “נא פערעגרעף סטייל“.

יעצט וועלן מיר טוען די זעלבע פון פריער, קליקט אריין אין א צווייטע נישט געסטיילטע פערעגרעף, דרוקט ctrl + f ארויפצוברענגען פיינד ריפלעיס, ביי פיינד פארמאט לייגט אריין עפעס אינפארמאציע בעיקר די פאנט און סייז,

ביי טשענדזש פארמאט, וועלט אויס אונזער נארוואס געמאכטע פערעגרעף סטייל,

טשענדזש אלל!, פנים חדשות!

האלט מיר שוין אויף א וועג.